Dette er tittelen på ein artikkel av Nils Aarsæther i Nordlys 26.11.2024 – og på ei bok som Ottar Brox skreiv i 1988. Bakgrunnen er at venstresida i politikken ser ut til å gå på ein skikkeleg smell i valet neste år, med privatisering og meir aksept for aukande økonomiske og geografiske forskjellar som resultat. Og bak smellen ligg frisleppet på straumprisen, elektrifiseringa av Melkøya, undergravinga av kystfisket og dei feilslåtte milliardprosjekta som har brakt det grøne skiftet i vanry. Og då går vel vegen for veljarane til FrP, Høgre og sofaen?